تنمية بشرية

ازاي تمنع مرض عن حد بتحبه او تخليه يخف من مرض ملوش علاج.

في حاجات هتضطر تعيش بألمها وتتحمل عجزك قصادها…عجزك عن حلها وتغييرها….وهتفضل مصاحباك في حياتك.

.

حاجات فيك وحاجات في حياتك وحاجات تخص اللي بتحبهم (شركاء حياة…امهات واباء…ابناء.. اخوة…اصدقاء)…وحاجات في الدنيا والناس…
مفيش حاجة بإيدك تساعدهم او تسعدهم او تمنع عنهم أذى أو ألم او معاناة….حتى لو لك قدرة كمان تعمل كدة..ببساطة لان في حاحات كتير تمنعك….حاجات في الاشخاص وحاجات في ظروفهم…وحاجات فيك انت….او حاجات غير ممكنة اصلا…
ازاي تمنع مرض عن حد بتحبه…او تخليه يخف من مرض ملوش علاج….ازاي تمنع الاذى عن ناس او تساعدهم وفي مليون عائق بينك وبينهم…..وانت نفسك طاقتك هتستحمل إيه ولا إيه…..
واوقات كتير .الالم والمعاناة اللي انت فيها او فيها اللي بتحبهم….تبدو بلا معنى ولا هدف ولا حكمة….تبدو اشياء عبثية وغير مفهومة ..اشياء لا تحقق فوائد ملموسة لاحد…او حتى مش عارفين نلصم لها معنى يطمنا ويهدينا….معنى يجعلنا نتحمل الالم…ونتقبل معاناتهم….
واوقات كتير مش هتبقى عارف تشغل حيل دفاعية تخليك متحسش بالالم او متشوفوش او تشوش نفسك عن رؤيته…وكأنه مقدر ومكتوب يفضل واضح ومتوهج قدام عيونك.
احوال زي دي مفيش قدامك غير بلع الالم والعجز   والتصبر…والاستسلام والتسليم…..وتفويض الامر لله.
محدش يقدر يقولك متتألمش ومتحبطش…فقط..مفيش حلول غير التسليم والقبول للاوضاع بالشكل ده…

وحتى لو مش قادر تقبل تماما.وتسلم تماما…طبيعي وبيحصل..ومحتاج قبول لعدم قبولنا وعدم قدرتنا عن التسليم كمان…احنا بشر في النهاية…ضعفاء وعاجزين  امام اشياء كتير…وضعفاء  وعاجزين حتى في القبول والاعتراف بضعفنا وعحزنا  ده.
تحديث.: المقال عن التخلي عن المعاناة الناتجة عن المعافرة بلا جدوى في طريق مسدود نتيجتها في النهاية فرهدة واحساس قاسي بالعجز والاحباط واليأس والغضب…..مش عن الدعوة للانهزامية واليأس والاحباط والغضب.

This post was created with our nice and easy submission form. Create your post!

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

Log In

Forgot password?

Don't have an account? Register

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

إغلاق
إغلاق